सॅक, इसरो अहमदाबाद यांच्या उपग्रहाच्या बाष्पोत्सर्जनाच्या जिल्हानिहाय व तालूकानिहाय छायाचित्रानूसार बाष्पोत्सर्जनाचा वेग किंचित वाढलेला आहे.
विस्तारीत
अंदाजानुसार (ईआरएफएस) मराठवाड्यात दिनांक 30
ऑक्टोबर ते 05 नोव्हेंबर, 2022 दरम्यान कमाल तापमान सरासरीएवढे तर किमान तापमान सरासरीएवढे
तर पाऊस सरासरीएवढा राहण्याची शक्यता आहे.
वसंतराव नाईक मराठवाडा कृषि विद्यापीठ, परभणी येथील ग्रामीण
कृषि मौसम सेवा योजनेतील तज्ञ समितीने पुढील प्रमाणे
कृषि हवामान आधारीत कृषि सल्ल्याची शिफारश केली आहे.
पीक व्यवस्थापन
वेळेवर लागवड केलेल्या व वेचणीस तयार असलेल्या कापूस पिकात वेचणी
करून घ्यावी. वेचणी केलेला कापूस साठवणूकीपूर्वी उन्हात वाळवून साठवणूक करावी
जेणेकरून कापसाची प्रत खालावणार नाही. कापूस पिकात लाल्या रोगाचा प्रादूर्भाव
दिसून येत असल्यास याच्या व्यवस्थापनासाठी 20 ग्रॅम मॅग्नेशियम सल्फेट प्रति 10
लिटर पाण्यात मिसळून पंधरा दिवसाच्या अंतराने दोन फवारण्या घ्याव्यात. कापूस पिकात
रसशोषण करणाऱ्या किडींच्या (मावा, फुलकिडे, पांढरी माशी) व्यवस्थापनासाठी 5% निंबोळी अर्काची किंवा लिकॅनीसिलीयम लिकॅनी
(जैविक बुरशीजन्य किटकनाशक) एक किलो ग्रॅम
किंवा फलोनिकॅमिड 50% 60 ग्रॅम किंवा डायनेटोफ्यूरॉन 20% 60
ग्रॅम किंवा पायरीप्रॉक्झीफेन 5% +डायफेन्थुरॉन 25% (पूर्व मिश्रित किटकनाशक) 400 ग्रॅम प्रति एकर
फवारणी करावी. कापूस पिकावरील गुलाबी बोंडअळीच्या
व्यवस्थापनासाठी हेक्टरी 5 गुलाबी बोंडअळीसाठीचे कामगंध सापळे लावावेत. प्रादूर्भाव
जास्त आढळून आल्या प्रोफेनोफॉस 50% 400 मिली किंवा
इमामेक्टीन बेन्झोएट 5% 88 ग्रॅम किंवा प्रोफेनोफॉस 40%
+ सायपरमेथ्रीन 4% 400 मिली किंवा थायोडीकार्ब 75% 400 ग्रॅम प्रति एकर आलटून पालटून फवारावे. कापूस पिकात दहिया रोगाचा
प्रादुर्भाव दिसून येत असल्यास याच्या व्यवस्थापनासाठी ॲझोक्सिस्ट्रोबीन 18.2%
+ डायफेनकोनॅझोल 11.4% एससी 10 मिली किंवा
क्रेसोक्सिम-मिथाइल 44.3% एससी 10 मिली प्रति 10 लिटर
पाण्यात मिसळून फवारणी करावी. काढणी केलेले सोयाबीन उन्हात वाळवूनच मळणी करावी.
पुढील हंगामात बियाण्यासाठी सोयाबीनचा वापर करण्यासाठी आर्द्रतेचे प्रमाण 14 टक्के
असल्यास सोयाबीनची मळणी 400 ते 500 आरपीएम तर आर्द्रतेचे प्रमाण 13 टक्के असल्यास
सोयाबीनची मळणी 300 ते 400 आरपीएम थ्रेशरवर करावी जेणेकरून बियाण्याची उगवण क्षमता
कमी होण्यापासून टाळता येईल. मळणी केलेले सोयाबीन साठवणूकीपूर्वी पून्हा तिन ते
चार दिवस उन्हात वाळवावे जेणेकरून साठवणूकी दरम्यान होणाऱ्या बूरशींपासून
बियाण्याचे संरक्षण होईल. तुर पिकात फायटोप्थोरा ब्लाईट प्रादूर्भाव दिसून आल्यास
याच्या व्यवस्थापनासाठी वापसा येताच लवकरात लवकर ट्रायकोडर्मा 100 ग्रॅम प्रति 10
लिटर पाण्यात मिसळून खोडाभोवती आळवणी व खोडावर फवारणी करावी. तूर पिकावरील पाने गुंडाळणारी अळीच्या व्यवस्थापनासाठी
5% निंबोळी अर्काची किंवा क्विनॉलफॉस 25% 16 मिली प्रति 10 लिटर पाण्यात मिसळून फवारणी करावी. काढणीस तयार असलेल्या खरीप भुईमूग पिकाची काढणी
करून घ्यावी. रब्बी मका पिकाची पेरणी ऑक्टोबर ते नोव्हेंबर या कालावधीत करता येते.
पेरणी 60X30 सेंमी अंतरावर करावी. पेरणीसाठी हेक्टरी 15 किलो
बियाणे वापरावे. पेरणीपूर्वी बियाण्यास बिजप्रक्रिया करावी. बागायती रब्बी ज्वारी
पिकाची पेरणी लवकरात लवकर करावी. पेरणी 45X15 सेंमी अंतरावर
करावी. पेरणीसाठी हेक्टरी 10 किलो बियाणे वापरावे. परेणीपूर्वी काणी रोग
प्रतिबंधासाठी 300 मेश गंधक 4 ग्रॅम प्रति किलो बियाणे याप्रमाणे बिजप्रक्रिया
करावी. पोंगेमर व खोडमाशीच्या व्यवस्थापनासाठी थायामिथॉक्झाम 70% 4 ग्रॅम किंवा इमिडाक्लोप्रिड 48% 14 मिली प्रति किलो
बियाण्यास बिजप्रक्रिया करूनच पेरणी करावी.
फळबागेचे
व्यवस्थापन
केळी फळ पिकावरील करपा (सिगाटोका) रोगाच्या व्यवस्थापनासाठी
मेटीराम 55% + पायरॅक्लोस्ट्रोबीन
5% डब्ल्यू जी 10 ग्रॅम प्रति 10 लिटर पाण्यात मिसळून फवारणी
करावी. केळी बागेत अंतरमशागतीची कामे करून तण नियंत्रण करावे. केळी बागेत 50 ग्रॅम
नत्र व 50 ग्रॅम पालाश प्रति झाड खतमात्रा द्यावी. द्राक्ष बागेत ऑक्टोबर छाटणी
करणऱ्या शेतकऱ्यांनी ऑक्टोबर छाटणी पूर्ण
करून घ्यावी. काढणीस तयार असलेल्या सिताफळाची काढणी करून प्रतवारी करावी व
बाजारपेठेत पाठवावी.
भाजीपाला
भाजीपाला (मिरची, वांगे व भेंडी)
पिकात रसशोषण करणाऱ्या किडींच्या व्यस्थापनासाठी लिकॅनीसिलीयम लिकॅनी (जैविक बुरशीजन्य किटकनाशक) 40 मिली किंवा पायरीप्रॉक्सीफेन 5% + फेनप्रोपाथ्रीन
15% 10 मीली किंवा डायमेथोएट 30% 13 मिली प्रती 10 लिटर
पाण्यात मिसळून फवारणी करावी. टोमॅटो पिकावरील करपा याच्या
व्यवस्थापनासाठी ॲझोऑक्सीस्ट्रोबीन 18.2% + डायफेनकोनॅझोल
11.4% एससी 10 मिली प्रति 10 लिटर पाण्यात मिसळून फवारणी करावी.
पुर्नलागवडीसाठी तयार असलेल्या (टोमॅटो, कांदा, कोबी इत्यादी) भाजीपाला पिकांची
पुर्नलागवड करावी तसेच गाजर, मेथी, पालक इत्यादी पिकांची लागवड करावी. काढणीस तयार
असलेल्या भाजीपाला पिकांची काढणी करून घ्यावी.
फुलशेती
सध्या दिवाळी सणामूळे बाजारपेठेत फुलांना अधिक मागणी आहे त्यानुसार
बागेतील फुलांच्या तोडणीचे नियोजन करावे.
पशुधन
व्यवस्थापन
लम्पी स्कीन रोगाचा प्रादूर्भाव गोवंशीय पशुधनामध्ये दिसून येत
आहे. चार महिण्याखालील वासरे व गर्भधारणा केलेल्या पशुस ज्यांना लसीकरण केलेले
नाही त्यांची जास्तीत जास्त काळजी व रोगापासून संरक्षण होणे महत्वाचे आहे. यासाठी चार महिण्याखालील वासरे, गर्भधारणा
केलेल्या गायी व ईतर पशुधन यांना सर्वांना वेगवेगळे ठेवणे अत्यंत महत्वाचे आहे.
विशेषत: ज्या पशुस रोग येऊन गेलेला आहे व लागण झालेली आहे अशा पशुधनाच्या
संपर्कामध्ये वासरे व गर्भधारणा केलेल्या गायी येणार नाहीत यांची जास्तीत जास्त
काळजी घ्यावी.
सामूदायीक विज्ञान
पीक कापणी आणि मळणी करतांना शेतकऱ्यांना अनेक शारीरिक समस्यांना
तोंड द्यावे लागते जसेकी, हाताला कापणे, जखमा होणे, हाताला अथवा शरीराच्या इतर
अवयवांना खाज येणे, खोकला, नाक गळणे, श्वासासंबंधित तक्रारी, उन लागणे, इत्यादी
पीक कापणी आणि मळणी करतांना सुरक्षात्मक वस्त्रांचा संच ज्यामध्ये लांब बाहीचा
टोपीसह सदरा, हातमोजे, पायमोजे, चष्मा, कापडी अवगुंठन आणि बुट इत्यादींचा वापर
करावा.
सौजन्य
मुख्य प्रकल्प समन्वयक, ग्रामीण कृषी मौसम सेवा,वसंतराव नाईक मराठवाडा कृषी विद्यापीठ, परभणी
मराठवाडा कृषि हवामान सल्ला पत्रक क्रमांक – 60/
2022 - 2023 मंगळवार, दिनांक – 25.10.2022
No comments:
Post a Comment