प्रादेशिक हवामान केंद्र, मुंबई येथून प्राप्त झालेल्या अंदाजानुसार दिनांक 24 फेब्रुवारी 2026 रोजी धाराशिव व लातूर जिल्हयात तूरळक ठिकाणी आकाश अंशत: ढगाळ राहून हलक्या स्वरूपाच्या पावसाची शक्यता आहे. मराठवाडयात दिनांक 25 ते 28 फेब्रुवारी 2026 दरम्यान हवामान कोरडे राहण्याची शक्यता आहे. मराठवाडयात पुढील 24 ते 48 तासात कमाल तापमानात फारशी तफावत जाणवनार नाही व त्यानंतर पुढील चार दिवसात हळूहळू 2 ते 3 अं.से. ने वाढ होण्याची तर पुढील 24 तासात फारशी तफावत जाणवनार नाही व त्यानंतर पुढील चार दिवसात 2 ते 3 अं.से. ने घट होण्याची शक्यता आहे.

हवामान सारांश / चेतावनी :

प्रादेशिक हवामान केंद्र, मुंबई येथून प्राप्त झालेल्या अंदाजानुसार दिनांक 24 फेब्रुवारी 2026 रोजी धाराशिव व लातूर जिल्हयात तूरळक ठिकाणी आकाश अंशत: ढगाळ राहून हलक्या स्वरूपाच्या पावसाची शक्यता आहे. मराठवाडयात दिनांक 25 ते 28 फेब्रुवारी 2026 दरम्यान हवामान कोरडे राहण्याची शक्यता आहे. मराठवाडयात पुढील 24 ते 48 तासात कमाल तापमानात फारशी तफावत जाणवनार नाही व त्यानंतर पुढील चार दिवसात हळूहळू 2 ते 3 अं.से. ने वाढ होण्याची तर पुढील 24 तासात फारशी तफावत जाणवनार नाही व त्यानंतर पुढील चार दिवसात 2 ते 3 अं.से. ने घट होण्याची शक्यता आहे.                                                                                                                                                                                                                                                         

सामान्य सल्ला :

विस्तारीत अंदाजानुसार (ईआरएफएस) मराठवाडयात दिनांक 27 फेब्रूवारी ते 05 मार्च 2026 दरम्यान पाऊस सरासरीपेक्षा कमी, कमाल तापमान सरासरीएवढे ते सरासरीपेक्षा कमी व किमान तापमान सरासरीएवढे राहण्याची शक्यता आहे.

संदेश : मराठवाडयात दिनांक 25 ते 28 फेब्रुवारी दरम्यान हवामान कोरडे राहण्याची शक्यता लक्षात घेता पिकास, फळबागेस, भाजीपाला व फुल पिकास आवश्यकतेनूसार पाणी व्यवस्थापन करावे. काढणी केलेल्या पिकाची सुरक्षित ठिकाणी साठवणुक करावी.

वसंतराव नाईक मराठवाडा कृषि विद्यापीठ, परभणी येथील ग्रामीण कृषि मौसम सेवा योजनेतील तज्ञ समितीने पुढील प्रमाणे कृषि हवामान आधारीत कृषि सल्ल्याची शिफारश केली आहे.  

पीक व्‍यवस्‍थापन

कापणीस तयार असलेल्या रब्बी ज्वारी पिकाची कापणी करून सुरक्षित ठिकाणी साठवणूक करावी.

रब्बी सूर्यफूल पक्वतेच्या अवस्थमध्ये असतांना पाणी द्यावे. काढणीस तयार असलेल्या रब्बी सूर्यफुल पिकाची काढणी करून घ्यावी.

गहू पिकास दाण्यात दुधाळ पीक अवस्था (पेरणी नंतर 80 ते 85 दिवस) व दाणे भरताना (पेरणीनंतर 90 ते 95 दिवस) पाणी द्यावे. गव्हाच्या पिकात उंदरांचा प्रादुर्भाव दिसून असल्यास याच्या व्यवस्थापनासाठी  झिंक फॉस्फाईड 1 भाग + गुळ 1 भाग + 50 भाग गव्हाचा भरडा व थोडसे गोडतेल मिसळून हे मिश्रण उंदराच्या बिळात टाकुन बिळे बंद करावीत. काढणीस तयार असलेल्या गहू पिकाची काढणी करून सुरक्षित ठिकाणी साठवणूक करावी.

वेळेवर पेरणी केलेल्या उन्हाळी भुईमूग पिकात आवश्यकतेनूसार पाणी व्यवस्थापन करावे.

फळबागेचे व्‍यवस्‍थापन

केळी बागेस आवश्यकतेनूसार पाणी व्यवस्थापन करावे. केळी बागेत ‍तण व्यवस्थापन करावे व बोधांना माती लावावी.

आंबा बागेत आवश्यकतेनूसार पाणी व्यवस्थापन करावे. आंबा बागेत मोहोरावर भूरी रोगाचा प्रादूर्भाव दिसून येत असल्यास, याच्या व्यवस्थापनासाठी सल्फर 80 % डब्ल्यूपी 2 ग्रॅम प्रति लिटर पाण्यात मिसळून फवारणी करावी.

द्राक्ष बागेत रात्री सिंचन करावे. द्राक्ष बागेत भूरी रोगाच्या व्यवस्थापनासाठी हेक्झाकोनॅझोल 5 % एससी 1 मिली किंवा मायक्लोब्यूटॅनिल 10 % डब्ल्यूपी 10 ग्रॅम प्रति लिटर पाण्यात मिसळून फवारणी करावी. काढणीस तयार असलेल्या द्राक्ष घडांची काढणी करून घ्यावी.

सिताफळ बागेत आवश्यकतेनूसार पाणी व्यवस्थापन करावे.

भाजीपाला

भाजीपाला पिकात खूरपणी करून तण विरहीत ठेवावे व आवश्यकतेनूसार पाटाने पाणी द्यावे. काढणीस तयार असलेल्या भाजीपाला पिकाची काढणी करून घ्यावी. भाजीपाला (मिरची, वांगे व भेंडी) पिकात रसशोषण करणाऱ्या किडीचा प्रादुर्भाव दिसून येत असल्यास त्याच्या व्यस्थापनासाठी पायरीप्रॉक्सीफेन 5% + फेनप्रोपाथ्रीन 15% 10 मीली किंवा  डायमेथोएट 30% 13 मीली प्रती 10 लिटर पाण्यात मिसळून फवारणी करावी. उन्हाळी हंगामासाठी (टोमॅटो, वांगे, मिरची) भाजीपाला पिकाची रोपे तयार करण्यासाठी गादी वाफ्यावर बी टाकावे तर वेलवर्गीय व भेंडी पिकाची लागवड करावी.

फुलशेती

फुल पिकात खूरपणी करून तण विरहीत ठेवावे व आवश्यकतेनूसार पाटाने पाणी द्यावे. काढणीस तयार असलेल्या फुल पिकाची काढणी करून घ्यावी. फुल पिकाची लागवड करून घ्यावी.

पशुधन व्यवस्थापन

सध्या कमाल तापमानात वाढ होत असल्यामूळे,  आपल्या जनावरांपासून अधिक दुध उत्पादन घ्यावयाचे असेल व प्रजनन क्षम ठेवायचे असेल तर वेळीच बदलत्या वातावरणाचा अभ्यास करुन जनावरांच्या गोठ्या मध्ये बदल करून आरामदायी वातावरण पुरवण्याचा प्रयत्न करा व पशुवैद्यकाच्या सल्ल्याने संतुलित आहार द्या आणि होणाऱ्या उष्णतेच्या ताणापासून आपल्या पशुधनांचे संरक्षण करा.

सौजन्‍य

मुख्य प्रकल्प समन्वयक, ग्रामीण कृषी मौसम सेवा,वसंतराव नाईक मराठवाडा कृषी विद्यापीठ, परभणी

 

मराठवाडा कृषि हवामान सल्ला पत्रक क्रमांक – 95/2025-2026    मंगळवार, दिनांक – 24.02.2026