सॅक, इसरो अहमदाबाद यांच्या उपग्रहाच्या बाष्पोत्सर्जनाच्या
जिल्हानिहाय व तालूकानिहाय छायाचित्रानूसार बाष्पोत्सर्जनाचा वेग किंचित कमी झालेला आहे.
विस्तारीत अंदाजानुसार (ईआरएफएस) मराठवाड्यात दिनांक 02 ते 08
नोव्हेंबर, 2022 दरम्यान
कमाल तापमान सरासरीएवढे तर किमान तापमान सरासरीएवढे तर पाऊस सरासरीएवढा राहण्याची
शक्यता आहे.
वसंतराव नाईक मराठवाडा कृषि विद्यापीठ, परभणी येथील ग्रामीण कृषि
मौसम सेवा योजनेतील तज्ञ समितीने पुढील प्रमाणे
कृषि हवामान आधारीत कृषि सल्ल्याची शिफारश केली आहे.
पीक व्यवस्थापन
काढणी केलेले सोयाबीन उन्हात वाळवूनच
मळणी करावी. पुढील हंगामात बियाण्यासाठी सोयाबीनचा वापर करण्यासाठी आर्द्रतेचे
प्रमाण 14 टक्के असल्यास सोयाबीनची मळणी 400 ते 500 आरपीएम तर आर्द्रतेचे प्रमाण
13 टक्के असल्यास सोयाबीनची मळणी 300 ते 400 आरपीएम थ्रेशरवर करावी जेणेकरून
बियाण्याची उगवण क्षमता कमी होण्यापासून टाळता येईल. मळणी केलेले सोयाबीन
साठवणूकीपूर्वी पून्हा तिन ते चार दिवस उन्हात वाळवावे जेणेकरून साठवणूकी दरम्यान
होणाऱ्या बूरशींपासून बियाण्याचे संरक्षण होईल. काढणी केलेल्या खरीप ज्वारीची कणसे
वाळल्यानंतर मळणी करावी. मळणी केलेल्या दाण्यांची उन्हात वाळवून साठवणूक करावी
जेणेकरून साठवणूकी दरम्यान होणाऱ्या बूरशींपासून बियाण्याचे संरक्षण होईल. काढणी
केलेल्या बाजरीची कणसे वाळल्यानंतर मळणी करावी. मळणी केलेल्या दाण्यांची उन्हात
वाळवून साठवणूक करावी जेणेकरून साठवणूकी दरम्यान होणाऱ्या बूरशींपासून बियाण्याचे
संरक्षण होईल. पूर्व हंगामी ऊसाची लागवड 15 नोव्हेंबर पर्यंत करता येते. ऊस पिकावर
खोड किडीचा प्रादूर्भाव दिसून आल्यास याच्या व्यवस्थापनासाठी क्लोरपायरीफॉस 20 % 25 मिली किंवा
क्लोरॅट्रानोलीप्रोल 18.5% 4 मिली प्रति 10 लीटर पाण्यात
मिसळून फवारणी करावी. हळदीवरील पानावरील ठिपके आणि करपा यांच्या व्यवस्थापनासाठी ॲझोऑक्सीस्ट्रोबीन
18.2% + डायफेनकोनॅझोल 11.4% एससी 10
मिली किंवा बायोमिक्स 100 ग्रॅम प्रति 10
लिटर पाण्यात मिसळून चांगल्या दर्जाचे स्टिकरसह फवारणी करावी. हळदीमधील कंदकुज
व्यवस्थापनासाठी बायोमिक्स 150 ग्रॅम प्रति 10 लिटर पाण्यात मिसळून आळवणी करावी.
हळदीवरील कंदमाशीच्या व्यवस्थापनासाठी 15 दिवसांच्या अंतराने क्विनालफॉस 25%
20 मिली किंवा डायमिथोएट 30 % 15 मिली प्रति 10 लिटर पाण्यात
मिसळून चांगल्या दर्जाचे स्टिकरसह आलटून-पालटून फवारणी करावी. उघडे पडलेले कंद मातीने झाकून घ्यावेत. (हळद
पिकावर केंद्रीय किटकनाशक मंडळातर्फे लेबल क्लेम नसल्यामूळे विद्यापिठ शिफारशीत
संशोधनाचे निष्कर्ष दिले आहेत). कोरडवाहू
हरभरा पिकाची पेरणी ऑक्टोबर अखेर पर्यंत संपवावी. बागायती हरभरा पिकाची पेरणी 10
नोव्हेंबर पर्यंत करता येते. बागायती हरभरा पिकाची पेरणी 45X 10 सेंमी अंतरावर करावी. बागायती हरभरा पेरणी करतांना 25 किलो नत्र, 50 किलो
स्फुरद व 30 किलो पालाश (109 किलो डायअमोनियम फॉस्फेट + 50 किलो म्युरेट ऑफ पोटॅश
किंवा 54.25 किलो युरिया + 313 किलो सिंगल सुपर फॉस्फेट + 50 किलो म्युरेट ऑफ
पोटॅश) प्रति हेक्टरी खतमात्रा द्यावी. कोरडवाहू
करडई पिकाची पेरणी ऑक्टोबर अखेर पर्यंत संपवावी. बागायती करडई पिकाची पेरणी 5
नोव्हेंबर पर्यंत करता येते. पेरणी 45X 20 सेंमी अंतरावर
करावी. बागायती करडई साठी शिफारशीत खतमात्रा 60:40:00 पैकी पेरणीच्या वेळी 30 किलो
नत्र व 40 किलो स्फुरद प्रति हेक्टरी द्यावे व
30 किलो नत्र एक महिन्यानी द्यावे (पेरणीच्या वेळी 87 किलो डायअमोनियम
फॉस्फेट + 31 किलो युरिया किंवा 65 किलो युरिया + 250 किलो सिंगल सुपर फॉस्फेट
पेरणीच्या वेळी द्यावे व पेरणी नंतर एक महीन्यानी 65 किलो युरिया द्यावा).
फळबागेचे व्यवस्थापन
संत्रा/मोसंबी बागेत अंतरमशागतीची कामे
करून तण नियंत्रण करावे. मृग बहार संत्रा/मोसंबी बागेत पानामध्ये अन्नद्रव्यांची
कमतरता दिसून येत असल्यास फवारणी न केलेल्या शेतकऱ्यांनी चिलेटेड झिंक 5 ग्रॅम
प्रति लिटर पाण्यात मिसळून फवारणी करावी. संत्रा/मोसंबी बागेत फळवाढीसाठी
जिब्रॅलिक ॲसिड 2 ग्रॅम प्रति 100 लिटर पाण्यात मिसळून फवारणी करावी. संत्रा/मोसंबी बागेतील रोगग्रस्त फांद्या काढून
नष्ट कराव्यात. डाळींब बागेत अंतरमशागतीची कामे करून तण नियंत्रण करावे. डाळींब
बागेतील फुटवे काढावेत. बागेतील पडलेली फळे गोळा करून व रोग ग्रस्त फांद्या काढून
नष्ट कराव्यात. काढणीस तयार असलेल्या चिकू फळांची काढणी करावी.
भाजीपाला
पुर्नलागवडीसाठी तयार असलेल्या
(टोमॅटो, कांदा, कोबी इत्यादी) भाजीपाला पिकांची पुर्नलागवड करावी तसेच गाजर,
मेथी, पालक इत्यादी पिकांची लागवड करावी. मिरची पिकावर सध्या फुलकिडींचा
प्रादूर्भाव दिसून येत आहे याच्या व्यवस्थापनासाठी ॲसिटामिप्रिड 20 % एस.पी. 100 ग्रॅम
किंवा सायअँन्ट्रानिलीप्रोल 10.26 ओ.डी. 600 मिली किंवा इमामेक्टीन बेन्झोएट 5%
एस. जी. 200 ग्रॅम प्रति हेक्टर फवारणी करावी. काढणीस तयार असलेल्या
भाजीपाला पिकांची काढणी करून घ्यावी.
फुलशेती
फुल पिकात अंतरमशागतीची कामे करून तण
नियंत्रण करावे.
तुती रेशीम
उद्योग
रेशीम किटक थंड रक्ताचा किटक असून
संगोपनगृहातील तापमान 20 सें.ग्रे. च्या खाली व 35 सें. ग्रे. च्या वर गेले असता
तुती पाने खात नाहीत. हवामानाच्या बदलल्या ढगाळ वातावरणात संगोपनगृहात तापमापी व
आर्द्रता यंत्र (ईलेक्ट्रानिक) असणे गरजेचे आहे. तापमान व आर्द्रतेचया अंदाज न
आल्यामूळे खडू रोग, ग्रासरी किंवा फ्रॅचरी रोग प्रादूर्भाव रेशीम किटकास जाणवतो.
दोन कोषाच्या पिकात 8 दिवसाचे अंतर ठेवावे व या काळात ब्लिचिंग पावडर 2 टक्के व
कळीचा चुना 0.3 टक्के या प्रमाणे 100 लिटर पाण्यात 200 ग्रॅम ब्लिचिंग पावडर व 300
ग्रॅम चुना वापरावा नंतर 50 ग्रॅम 100 लिटर पाण्यात अस्त्रची फवारणी 48 तासानंतर
करावी.
पशुधन
व्यवस्थापन
लम्पी स्कीन रोगाचा प्रादूर्भाव
गोवंशीय पशुधनामध्ये चालू आहे. चार महिण्याखालील वासरे व गर्भधारणा केलेल्या पशुस
ज्यांना लसीकरण केलेले नाही त्यांची जास्तीत जास्त काळजी व रोगापासून संरक्षण होणे
महत्वाचे आहे. यासाठी चार महिण्याखालील
वासरे, गर्भधारणा केलेल्या गायी व ईतर पशुधन यांना सर्वांना वेगवेगळे ठेवणे अत्यंत
महत्वाचे आहे. विशेषत: ज्या पशुस रोग येऊन गेलेला आहे व लागण झालेली आहे अशा
पशुधनाच्या संपर्कामध्ये वासरे व गर्भधारणा केलेल्या गायी येणार नाहीत यांची
जास्तीत जास्त काळजी घ्यावी.
सामुदायिक
विज्ञान
घरगुती उपकरणांची योग्य काळजी घेतल्यास
उपकरणे जास्त काळ टिकतात आणि कामाची गुणवत्ता वाढवतात.
सौजन्य
डॉ. कैलास कामाजी डाखोरे, मुख्य प्रकल्प समन्वयक, ग्रामीण कृषी मौसम सेवा,वसंतराव नाईक
मराठवाडा कृषी विद्यापीठ, परभणी
मराठवाडा कृषि हवामान सल्ला पत्रक क्रमांक – 61/2022
- 2023 शुक्रवार,
दिनांक –
28.10.2022
No comments:
Post a Comment